هذه القصيده سمعتها لأول مره عن طريق مقطع بلوتوث .. ثم حرصت على أن آتي بها كامله .. وهي
لشاعر ٍ شاب أقل ما يقال في حقه أنه مبدع .. لا شك بأن الفخر هو أحد أبواب الشعر ..
ولكن في الفترة الاخيره رأينا إساءه في إستخدام مثل هذا الغرض الشعر .. كأن يفخر أحد بنفسه في
قصيدة ٍ غزليه أو ماشابه ... هنا وفي هذه القصيده المليئه ( فخراً - و عزّةً - وشموخاً - وجرأة ً) أرى أن
الفخر جاء في موضعه الصحيح .. هذه القصيده للشاعر الشيخ / ضـويحي بن فـراج العـماني .. وموجهه
لصـاحب السمو الملكي الأمير / سلمان بن عبدالعزيز آل سعود . أمير منطقة الرياض . ولها من
الخصوصيه الشيء الكثير وربما هذه الخصوصيه هي سر جمال هذه القصيده .. وسببها يعرف منها .
أترككم مع هذه القصيده آملا ً أن تنال على إعجابكم ..
أبـدا بذكـر اللـي عليـه التساهيـلربٍ جزيل الحمـد لـه و الثنـا لـه
مهلك جنـود بريـه بطيـور أبابيـلحامي حمى بيته مـن أهـل الجهالـه
مُنْزِل هـدى وحيـه بقدرتْـه تنزيـلعلـى الشفيـع المصطفـى للرسالـه
مُقّـدّر الأقـدار متبـع دجـا الليـلنورٍ عـن الآفـاق يشعـب رحالـه
بعِزِتِـه مـن عـزّ بالديـن مانيـلوبأمره عسير الأمر تسمـح عضَّالـه
يا اللّه بـك تفتـحّ صـدورٍ مقافيـلوعليـك رجـوى طالبـك و إتكالـه
وبك آتعوّذ من خنـا الـزل و الميـلوبإسمك أسمّي يـا عظيـم الجلالـه
وبذكرك أبدا بـدعْ جـزلْ التماثيـلاللـي تلبّـي خـاطـري و تعّنـالـه
الشـارداتَ الـنـادراتَ المذايّـيـللإسـمٍ عليهـا مثـل ختـم الوكالـه
حقي عليهـا سبـي لـب المذاهيـلبحبكٍ وسبْك وغـزر جـمّ وجزالـه
واللي لها إني مـا آتعـدّا ولا أميـلولا أرخص ثمنها في دروب الرزالـه
ولا أبدي سناهـا للوجيـه المهاشيـلألاّ علـى وجيـه النقـا و الشكـالـه
ما هـو كـلام مبهرجيـن الهزازيـلاللـي نباهـا يعيـب منهـو دنـالـه
سلام يا شيـخ الوفـا وافـي الكيـلسـلام مـن ذكـره تـرزم خِيـالـه
سلامٍ أحلـى مـن قـراح الهماليـلوآلـذ و أنقـى مـن منـزَّل زلالـه
ينساق لك مع ريحة المسك و الهيـلومـن غالـي الكمّبـود ينـدا مقالـه
يا من كتب بأسمه وطيـب الأفاعيـلخمسين عامٍ من سعـد نجـد و آلـه
يا شيخ نجـد معقِّـل الـرأي تعقيـليا محَلحِل اللي مـا يحَلحَـل عقالـه
يا نسل من تَبـرِك جـزال التماثيـلمن دون حقّه كل مـا جـاء مجالـه
عبد العزيز اللي سنا أمجـاده إتهيـلاللي عشـق لـه مَنـزِلٍ و إرتقالـه
ذيب السرايا متعب الجيش و الخيـلاللي عسـف راس المحـال وسمالـه
حتى تعـدّا هامـة الجـدي و سهيـلو أصبح على الطولات يضرب مثاله
بالله ثـم بعـزمٍ يـهـدّ المعـازيـلوبصلب باس وطيـب راس وبسالـه
وحدّ أبلجٍ عند اللقاء يرعـب العيـلويأمـن بحـدَ مهنـده مـن صفالـه
وصفوة زحولٍ تعـدل الميـل تعديـلأهل الوفا و أهل الظفـر و الأصالـه
حتى أذعنت عقب الشقـا و التهاويـلوركّز عمود الديـن و الظلـم زالـه
وبان العدل وأطفى صلا حامي الويـلمن حدّ جـال الـدار لا حـدّ جالـه
وإنـاّ سيـوفٍ لـه تجـزّ العيـايّـلوإناّ عصا معزّي على مـن عصالـه
وهـاذي عوايدنـا وللوقـت تدلـيـلمـن عهـد جدانـه ملـوك الجزالـه
من عهد أبو فيصل سعـوط المهابيـلاللـي بالأجـرب زال ليـل الظلالـه
وإنـاّ علـى عهـد المعـزّه معاديـلوالحِمـل مـا تثنـي لـه إلاّ جمالـه
عهـدٍ توارثنـاه جيـلٍ بعـد جيـلالعـود منّـا يورثـه فـي عيـالـه
ويوم إبتدأ معزّي صعيـب الأسابيـلوإنـاّ علـى يمـنـاه ولاّ شمـالـه
وإنـاّ سنـاده والمواقـف مدالـيـلوإناّ رِمـاح الشيـخ فـي كـل قالـه
كم واحـدٍ منـاّ معـه بـأول الخيـلأقـدم وجــزّن المنـايـا حبـالـه
وكم مـرةٍ شانـت وجيـه المخاليـلفي موقفٍ مـن طـاح محـدٍ عبالـه
في موقفٍ يخلف زحـول الرياجيـليفـرق بـه القائـد معـادن رجالـه
فرّت بـه إمهـار النشامـا مجافيـلمن حرّ ضربٍ مـا يوصـف نكالـه
وثنى صليب الراس مروي المساليـلفراج .. زيـزوم الظفـر و الشكالـه
من دون أبو تركي عدل كفّـة الميـلوصلّ ( العبيّه ) مِهدي الموت حالـه
عادات (أخو موضي) عذاب العيايـلاللـي تعجّـز فـي الشدايـد فعالـه
يقدم ليـا هابـت وجيـه المشاكيـلوإليا إحتمى الميقاف يـذري ظلالـه
شيـخٍ شهـر بمعجّـزات الأفاعيـلليـن إقتـرن بإسـمٍ عسيـرٍ مطالـه
(بعيد المغـازي) والفعايـل مداليـلإسـمٍ حضابـه محـدٍ إسـواه نالـه
زيزوم غلبـا وافـي المـدّ و الكيـلاللّـي مـن الامـداح حقّـه لحـالـه
ولمثل أبـو تركـي تـداس المناكيـلويسخي عريب الجـدّ حالـه و مالـه
عـزّ الرفيـق و مسنـده فالغرابيـللامن لقـا فالوقـت مـا حـسّ بالـه
لـه فزعـةٍ تشفـي كبـودٍ مغاليـلمن طولها تسمى علـى كـل طالـه
مثل(العريق) وغايـة القصـد تمثيـلولاّ سواتـه مــا تـعـدد فعـالـه
لعـل جنّـات النعـيـم المظّالـيـلدارٍ لـه ولـلّـي بـدربـه وفـالـه
يا بو فهـد هـذاك جيـلٍ وذا جيـليطرب له اللي حاضـره سـمّ حالـه
يا صدق من قـال الليالـي مداويـلوإن المعالـي فـي الليالـي دوالــه
واليوم أمـان وزود خيـرٍ وتسهيـلمن نعمـة اللـي مـا تعـدد فضالـه
لكن عسـى قـافٍ حروفـه شهاليـليبـرد لضـى قلـبٍ يزيـد إشتعالـه
وش حيلة اللي له بالأطـلال تعليـلألاّ أنْ ينعـى بالقلـم مـا مضـالـه
ما دام ما في الواقـع المـرّ تعويـلعـلّ الحشـا يسـلا بشـيٍ قضالـه
يا كم رجينا إنصافنـا مـن المقابيـلوعيـاّ عليـنـا ميلـهـا بإعتـدالـه
اللَّـه يـا وقـتٍ همومـه مجـاديـلجلاّ بميلـه مـا أنكتـب فـي قبالـه
وقتٍ حرم سرحـان روس المقاذيـلوعـدّاه عـن مبـداه وأبـدا بـدالـه
من عقـب مالـه فالطويلـه مداهيـلقامت تصـاوى فـي نباهـا الثعالـه
وقتٍ يدنّـي الـراس ويعلّـي الذيـلحتى أستوت روس العرب والحثالـه
وقتٍ عجايب سرف ظلمـه مسابيـلشاخـت هلابيجـه وهانـت رجالـه
ولا شحنّـا منْـه ثقـل المحامـيـلأو ضعـف ولاّ قـلّ حيـل وعطالـه
الحمـد لله مـا يدّيـنـا بمشالـيـلمن فضـل ربٍ يمِّـن اللـي لجالـه
الدَّين نشتاله علـى الدَّيـن و نشيـلحملٍ على الخايـب دروبـه محالـه
مناّ الولد لو هو مـورًّا مـن الويـليستر مواجيب العـرب مـن حلالـه
و مشـرّعٍ بابـه و صفـر المعاميـلعلى طـرف سمـرٍ تواقـد شِعالـه
في مجلسٍ لِكـرام الأنفـس مداهيـلوالطيب له بأقصـى ركونـه نزالـه
عقب كرامة داهلـه بأجـزل الحِيـلللعود الأزرق فيـه صالـه و جالـه
مدهَل نقا يكرم عـن القـال و القيـلراعـي النمايـم مقعـده مـا هنالـه
ويجـوُد لا شحـت يديـنٍ مغالـيـلإليا ألتوى ولـد الـردي فـي ريالـه
ويبذل لو إنّه مـن زحـام الغرابيـلماهـوب يلقـى مـا يعشّـي عيالـه
وبخير حـالٍ و الضمايـر مساديـلأقرب ربوعه لـو نشـد مـا شكالـه
علـى ثقـل حملـه يراهـا تساهيـلوبكسبـة النامـوس طيّـب ودالــه
يا بو فهد ما في عنا الوقـت تمهيـلوما قدّر الوالي علـى العبـد طالـه
وقتٍ غداله فالعـرب حـطٍ و شيـلوراع الصحيح أصبح على الناس عاله
الحق فيه أصبح مثـل كذبـة أبريـلوفوقه ستار الزيـف راكـى ظلالـه
وقتٍ قلـب حكمـه بكيـل المكاييـلولاحـت تعاجيبـه وبـان إختلالـه
من يوم قِصـرنّ اليديـن المخاطيـلوكـلٍ علـى يمنـاه عِقلَـت شمالـه
من عقـب هيبتنـا تهـزّ الرياجيـلعِدِّي على المرقاب مـن لا أستوالـه
ومـن عقـب مَنـاَّ للمعـزّه مناهيـلويذري ذرانـا بالوفـا مـن لجالـه
وتأمَن بنا الأقصيـن قبـل المقابيـلجاء طقّ واحدنـا علـى راس مالـه
لا نِمِّن الخايـف ولا نزبّـن إدخيـلو قيد المجنّـى مـا نحلحـل حبالـه
يدوم فضل أهـل اليديـن المفاضيـليا وقتنا اللـي مـا عرفنـا إعتدالـه
والحمـد لله مـا خـفـنّ التعالـيـلوكـلٍ علـى عليـاه تشهـد فعـالـه
وما هيب تنقصنـا بعيـن الرياجيـلالعِلْـم بَيَّـن وقتنـا مــا خفـالـه
إنّا هـل الطولـه زبـون الأجازيـلوالنفـس مانرضـى لهـا بالرذالـه
و إن زادنـا العـز بمعـزه وتبجيـلولاّ فـلا أنقصنـا مقـام وشكـالـه
وزُومَان أبوعضودٍ مـن أول مفاتيـلوإليا أرتكى لمعجِّـز الحمـل شالـه
العام يبرك لا أثقل الحمـل و يشيـلحملٍ علـى غيـره يفـوق إحتمالـه
واليوم لعل و عسى كـان بـه حيـلعلّـه يقـوم بحمـل عمـره لحالـه
يا شيخ يـوم إنْهـا بحـدّ المصاقيـلوكـلٍ وحقّـه مـا بيمـنـاه نـالـه
وإنّا هـل العليـا الكـرام المباجيـلوأهل الظفر و أهل الفعـول الجلالـه
لنـا السنـام اللـي عليـه الأداليـلفي كـل " غلبـا " محتميـنٍ سبالـه
حقٍ لنا وأكبـر وأجـلّ المحاصيـل(حدر وعلا) والصدق ينجـي مقالـه
ولنا الثلاث البيض حـقٍّ و تأصيـلعلـمٍ عليـه شهـود فعـل ودلاَلــه
حقٍ على الغلبـا نوفّـي لـه الكيـلمـن تَبِـع وجنانـا لنـا أدّى كِيالـه
قسـمٍ لنـا يـا مدوريـن التـآويـليمشي على الراضي ومن لا رضالـه
قسمٍ لنـا يِعجِـز زحـول الحلاحيـلما غيرنا شـدادٍ علـى نجـد طالـه
مجـدٍ توارثنـاه جيـلٍ ورا جـيـلوسلالـةٍ تـوارثـه مــن سـلالـه
من قبل عصر (مفرّج) موفّي الكيـلاللي حفـظ عهد(المهـادي) ووفالـه
وإنّـا بحـدّ مخضبـات المصاقـيـلجيـلٍ بعـد سابقْـه حاميـن جالـه
دونه نبيـع أعمارنـا لـه مشاهيـلونموت دونه والعزى في البقـى لـه
ما هيـب شيخـة مـال ولا دهاويـلولاّ نسـب ولا ّ عطـيّـة جمـالـه
أقصـى شواهدهـا لفايـق وتضليـلالهـرج واجـد والقـوايـم هـزالـه
غصن ٍ رقيق ٍ مع نسيم الهوا إيميـلومنيـن ماهـبّ الهبـوب إستمـالـه
ويوم الردي عند اللقاء عزمه إخبيـلوعند السعه هرجـه يكسِّـر جبالـه
فإنّـا بنـا ترجـح ثقـال المكاييـلومِنـاّ حزامـه فاللقـاء طـاب فالـه
ومنّب على جرح الرفاقـه معاجيـلكم صاحبٍ لا أخطـا رفينـا خمالـه
ألاّ خطـاً مـن زود مابـه تماهيـلعقّب يد اللـي ماكـره مـا أحتمالـه
للعـدل روس وللعـدالـه مكايـيـلوإليـا بلينـا مـا نعـرف العـدالـه
نَجهل بجهلٍ فـوق جهـل الجواهيـلونـورِّد الجهَّـال نــار الجهـالـه
وإنّـا كعـام الضـدّ لطّامـة العيـلسقم الحريـب وسـمّ حالـه و فالـه
ولولا كوي سـود الكبـود المغاليـلمرفاعنـا كـل ٍ تهـقـوى مطـالـه
ولولا يدينا فـي الملاقـى مخاطيـلعـدٍ روينـا .. مـا وردنـا زلالـه
والـدار ماجينـا حماهـا عمامـيـلولا نزلـنـا حـدّهــا بالكـفـالـه
حنّا هل الدار وذراهـا مـن الميـليـومٍّ كـلٍ يمتلـك مــا حمـالـه
كم حاكمٍ مـن دونهـا فاللقـاء زِيـلبأَيمانّـا يومـه قضـى الله زوالــه
ويـوم السبيّـه للحقـايـق تدالـيـلما هي لفايق ربـع لالـه يـا لالـه
يوم الإمام أرسـل وفـود المراسيـلولبّى (ضويحي) والسعد فـي رحالـه
ونوّه على الِمحدار من غيـر تأجيـلوأهتـزّ عِـرق سبيـع ممّـا نوالـه
عـرقٍ لنـا مِلـكٍ ركونـه معاقيـلما باجه ألاّ مِـن وِسمنـا العصىلـه
حـوَّل بربعـه لآد عامـر محاويـللو عاد حربـه مـا تطفّـت شعالـه
سبعة عشر عاماً سَنـا نارهـا يهيـلشريـف مكّـه مرقـده مـا هنـالـه
وجينا على العجلات ركض وزرافيـلوقبل المجي والعِلـم مـا بـه نفالـه
أربـع شهـورٍ والرفاقـه ذواهـيـلو(حامي النعام ) مطاولٍ فـي مطالـه
وبأتلا نهارٍ بـه وصلنـا لـه وليـلعِضنـاه فـي قبـرٍ تهايـل هيالـه
ومن قبلها في (البِدِع) تلقـى الأداليـلعلـى كبـر مجـد ٍ عسيـر ٍ منالـه
يوم النذيـر ألفـى لـه بعلـمٍ إيهيـلمن قيـل لـه شـدّ وتكافـى قبالـه
الترك جتنا جموعهـم كنّهـا السيـلسيلٍ علـى العـارض تحـدّر وبالـه
مير إرتكـا للكايـده عـادل الميـل(محمّـد) اللـي كـايـدات ٍ فعـالـه
ما هيّبـه ملفـى نذيـر آخـر الليـللا بـان فـي ولـد الذليـل إختلالـه
ثنـى لهـا بعـزمٍ يهـول الذواهيـلماشدّ عـن وجـه المعـادي إرحالـه
أوقد شعْار الحـرب سقـم العياييـلوعلـى سنـاه ألفـوّا دروع البسالـه
آلاد عامر..مِرجحِـيـن المكايـيـلضـواري الغلبـا حـزام الشكـالـه
ويوم إلتقى الجمعين وإستحكـم النيـلباشتهـم أوّل مـن جبعنـا حبـالـه
بيوم ٍ صباحه قطعة ٍ من دجـى ليـلعجّ الرمك زاد أشهـب الملـح كالـه
وصوت العـزاوي تعتليـه التهاليـلفي موقـفٍ يفخـر بـه اللـي ثنالـه
يـومٍ فخـره لمروييـن المصاقـيـليندّا لنـا بـدقّ الفخـر مـع جلاِلـه
هلنـا بـه الأتـراك مـرّ البهاذيـلمن فضل مـدّ اللـي عظيـم جلالَـه
جتنا عساكرهـم جمـوع و جحافيـلوأقفـت شرايدهـم تسـوق الخمالـه
هاذي عوايدنـا بنـا يرجـح الكيـلوإنّا حـراز العـز فـي كـل قالـه
ويغنيك عن كثر الحكـي والتفاصيـلشواهـدٍ تضـوي بـنـور الـدلالـه
لا شـان علـم ملفقيـن الأقـاويـلاللـي حداهـم مـا يوثّـق مقـالـه
والكـذب ليـلٍ و الحقايـق قنـاديـلوالـزور لـو يتـلا قصـارٍ حبالـه
فإن غرتك فينا هـل القـال و القيـلوطاوعـت فينـا ملفقيـن الخمـالـه
فإناّ علـى العهـد المسمّـى معاديـلياشيـخ نجـد اللـي يـذرّي ظلالـه
وإن كنـت فينـا قانـعٍ بالمبـاديـلفإنـاّ وفانـا مــا نـبـدّل بـدالـه
على الوفا نبقـى ولا نعـرف الميـلوالحمـل مـا تثّنـي لـه إلا جِمالـه
وإسم ٍ نشيله له علـى الحـق تدليـلفـي وقـع مدلولـه تشـوف الدلالـه
إجمـال حمـل ٍ نرتكـي للمثاقـيـليوم الردي عنهـا عضـوده هزالـه
منّا الجمل يبرك لصلـف المحاميـلوإليا بـرك لمعجّـز الحمـل شالـه
ولامنّها وَصلَـت بنـا ذا المواصيـلفـلاهـان قَـدر سواتنـا وش بقالـه
ثـوب المعـزَه مالنـا فيـه تبـديـللا عاض ولـد الـلاَش فالعـزّ مالـه
وإناّ علـى طبـع المعـزّه مجابيـلوالرزق عنـد اللـي عظيـم جلالـه
ومناّب من يرضى طمـان المنازيـلالحُر يَجـزع عـن دروب الرزالـه
و لا تضيق ألاّ علـى خامـل الحيـلولاّ المـدا رحـب ٍ وسيـع ٍ مجالـه
والحمد للـي بـه تهـون المعاضيـلالواحد اللي مـا خـذل مـن لجالـه
منّاب من فضـل الكريـم بمجاهيـللا فـي جنـوب الـدار ولا شمالـه
أذكارنـا عنـد النشـامـا دوالـيـلنَعرف ونُعرف في سما أهل الجزالـه
وسوات ما نحفـظ مقـام الرياجيـلتحفـظ مقادرنـا رجـال الشكـالـه
فاحـت معاميلـي وسقـت الفناجيـلمن غيض جاشي يوم فاحـت دلالـه
ولا قلتها أبغى من وراهـا محاصيـلجـودك و فضلـك مرتويـنٍ زلالـه
نطق الحقايق فـي زمـان الدهاويـلتكفـي عزيـزٍ عزتـه راس مـالـه
هـذا كـلام اللـي يعسـف التماثيـلاللّـي خَطـر بالـه كـلامٍ وقـالـه
وأنا وريـث معنّيَـة حـرّك الخيـلأهل السطر و أهل الظفر و الشِكالـه
ولي لابـةٍ عنـد الملاقـا حلاحيـلرجّالهـم ينطـح لـو إنـه لحـالـه
الشاعـر / ضــويحـي بن فــراج العـماني
الخميس سبتمبر 18, 2008 1:28 am
